"MINI-RILES" A PARTIR DE CÉLULAS NAI

   Un equipo de investigadores do Centro de Medicina Rexenerativa de Barcelona (CMRB), do Salk Instituto de California e do Hospital Clinic de Barcelona logrou crear "mini-riles" en cultivo utilizando células nai humanas. Ata a fecha os científicos non conseguirar xenerar células de ril en cultivo. 

  Este avance facilitará o estudio das enfermidades renais, o descubremento de novos fármacos e é un paso máis cara a aplicación de terapias basadas no uso de células nai. As enfermidades renais constituen un grave problema de saúde pública. Nos casos máis graves son incurables e os pacientes precisan diálisis ou trasplante renal. 

  Un equipo dirixido polo investigador e director do CMRB, Xoan Carlos Izpisúa , conseguiu crear células renais a partir de células nai humanas, e non só eso, demostraron que as células así creadas son capaces de agregarse en cultivo formando estructuras renais tridimensionais, virtualmente indistinguibles ós riles embrionarios. 

  A estructura tridimensional xenerada no laboratorio non é coma un ril humano en miniatura, aínda non reproduce a complexidade do órgano humano na súa totalidade. Trátase do primeiro paso para crear un ril humano a partir de células do propio paciente, listo para trasplante e sen rexeite. 

  Dende que se descubriu unha fórmula eficaz e sen reparos éticos de transformar as células da pel en calquer outro tipo de célula (neuronas, do corazón, hepáticas, da retina...) varios grupos de investigación conseguiron crear novos tecidos e estructuras humanas. Así puidéronse xenerar xemas de fígado ou "mini-cerebros". Nembargantes, ata agora tiverase pouco éxito en converter células nai en células renais. De ahí a importancia do traballo do grupo español.

  O equipo do CMRB ten agora dúas metas inmediatas. Por un lado, xenerar nefronas totalmente humanas no laboratorio para acoplar co sistema colector que xa xeneraron e, por outro lado, inducir a rexeneración do ril directamente. Eso significaría que non sería preciso crear novo tecido para trasplantalo, senon que se podería reparar o ril dañado cun medicamento. 

  Os novos avances, como este, abren unha esperanza a pensar que en poucos anos teremos unha medicina personalizada e de vanguardia.